E dhimbshme: Ky është 49-vjeçari që humbi jetën pas aksidentit në fshatin Korroticë të Drenasit

Gazeta Sinjali raportoi pak më parë për një aksident të rëndë trafiku që ka ndodhur pas mesnate në rrugën nacionale Prishtinë–Pejë, në fshatin Korroticë të Drenasit, ku ka humbur jetën një person.

Sinjali raporoti se rreth orës 02:00 të datës 27 gushtit, një veturë e tipit Toyota Corolla ka humbur kontrollin gjatë lëvizjes dhe është rrokullisur në shiritin e majtë të rrugës.

Sinjali mëson se si pasojë, ka mbetur i lënduar rëndë shoferi Arian Bogaj, 49-vjeçar, i cili fillimisht është transportuar me autoambulancë në QMF të Komoranit, por mjeku kujdestar ka konstatuar vdekjen e tij në orën 03:10.

Në vendngjarje kanë dalë njësitë e nevojshme policore, hetuesit dhe prokurori kujdestar, i cili ka urdhëruar që trupi i pajetë të dërgohet për obduksion.

Hetimet rreth shkaqeve të aksidentit janë duke vazhduar.