Një ngjarje e rëndë ka ndodhur mbrëmë në një familje në Junik, ku në një stan të bjeshkës, ka humbur jetën një fëmijë. Gazeta mëson se bëhet fjalë për një 16-vjeçar i cili ishte duke punuar në një stan te Gropa e Erenikut kur tragjikisht humbi jetën.
Burime nga Emergjenca kanë bërë me dije se rasti ka ndodhur në orët e mbrëmjes dhe sipas informacioneve të para, i mituri dyshohet se ka humbur jetën si pasojë e rrymës së gjeneratorit, të cilin e kishte ndezur për shkak të mungesës së rrymës.
E tmerrshme: Vajza e mitur që u zhduk në Fushë Kosovë u drogua dhe u dhunua nga një person
Vdekjen e 16-vjeçarit e ka konfirmuar mjeku në vendin e ngjarjes, ndërsa njësitet policore kanë bërë ekzaminimet e nevojshme, në mënyrë që të zbardhen rrethanat e ngjarjes.
Për rastin është vënën në dijeni edhe Prokurori i Shtetit, me urdhër të së cilit trupi i pajetë është dërguar në Institutin e Mjekësisë Ligjore për obduksion.
Gazeta do të ju mbajë të informuar për detajet e reja. /Botapress.info/
