Një incident i rëndë ka ndodhur sot pasdite në fshatin Grabovc të Drenasit, ku një pasagjere është lënduar rëndë si pasojë e një goditjeje me gur, ndërsa ndodhej në një tren që ishte në lëvizje.
Sipas informacioneve të siguruara nga Gazeta Sinjali, më 03.05.2025, rreth orës 17:00, Policia e Kosovës është njoftuar se një person ishte lënduar dhe kërkohej ndihmë mjekësore urgjente në Stacionin e Trenit në Drenas.
Zyrtarët policorë dhe autoambulanca kanë intervenuar menjëherë. Në vendin e ngjarjes është konstatuar se e lënduara është Shkurtesa Tahiraj, 27 vjeçare, nga Terdeci i Drenasit, e cila ka pësuar lëndime në kokë, pasi u godit nga një gur i hedhur nga persona të panjohur, nga jashtë trenit.
Ngjarja ka ndodhur në kohën kur treni ishte në lëvizje, në afërsi të fshatit Grabovc, ndërsa viktima është transportuar për trajtim në QKMF Drenas.
Për rastin është informuar edhe Stacioni Policor në Obiliq, që mbulon juridiksionin ku ndodhi incidenti. Hetimet janë në vijim për të identifikuar autorët e këtij sulmi të rrezikshëm.
Gazeta Sinjali do të vazhdojë të raportojë për zhvillimet e reja rreth këtij rasti shqetësues.
Pamje:
Të tjera
Lajme Opinione
Gecaj i LDK-së me një letër publike i kërkon Abdixhikut të “lëshojë rrugë”
Bajram Gecaj, një nga aktivistët e
Aktuale
Arifi sheh hapësirë për kompromis politik: Presidenti ose kryeparlamentari mund t’i takojë opozitës
Profesori i shkencave politike, Dritëro Arifi,
Lajme
Ilir Deda paralajmëron se pakënaqësitë në LDK mund të shtrihen edhe në degë të tjera
Analisti politik Ilir Deda ka paralajmëruar