Në tri vitet e para të Qeverisë Kurti mbi 136 mijë kosovarë morën viza për të punuar e jetuar jashtë Kosovës

Instituti GAP ka publikuar sot një raport për emigrimin dhe fuqinë punëtore në Kosovës. Sipas të dhënave që janë në këtë raport, vërehet numër rekord i kosovarëve që kanë marrë viza për herë të parë për të punuar apo për t’u shkolluar jashtë vendit, shkruan Gazeta Express.

Nga 32 mijë sa ka qenë në vitin 2020, në vitin 2021 numri i kosovarëve që kanë marrë një leje qëndrimi në një shtet të BE-së për herë të parë ka shkuar në 43 mijë e 709, ndërsa kulmi është arritur në vitin 2022 me 46 mijë e 879 kosovarë.

Në vitin 2023, kohë të cilën e përfshin raporti, janë 45 mijë e 560 kosovarë të cilët janë pajisur me leje qëndrimi për herë të parë.

Në total për vitin 2021, 2022 dhe 2023 janë gjithsejtë 136 mijë e 238 kosovarë që kanë marrë leje qëndrimi për herë të parë.

Gjermania prin për vitin 2023 me 23 mijë e 40 leje qëndrimi të lëshuara për kosovarët, e ndjekur pastaj nga Sllovenia, Kroacia e Italia