Kryeministri i Kosovës, Albin Kurti ka folur edhe për bazat ushtarake që Serbia i ka rreth kufijve të Kosovës.
Kurti ka thënë se nuk do t’i paragjykonte forcat e Kosovës.
Kurti: Të premten thoshin “ubi, ubi”, këto nuk janë protesta paqësore
”Kur ju that që nëse sulmon Serbia forcat tona nuk i bëjnë ballë, unë nuk e di këtë, nuk e kisha paragjyku. Natyrisht që mirë është të kesh ndihmë”, ka thënë Kurti.
Më tutje, Kurti ka deklaruar se duhet të besojnë në vete, para se t’ia “dinë hallin vetit” si shtet.
”Unë besoj që duhet të besojmë në vetën para se me ia dit hallin vetës, hapi i parë është me e besu vetën pas dija hallin vetës. Nëse ia nisim me ia ditë hallin vetit nuk bëhemi bash shtet. E unë po them të bëhemi siç e kemi emrin, Republikë parlamentare”, ka thënë Kurti në KTV.
Kreu i ekzekutivit nuk ka parashikuar asgjë në lidhje me një mocion potencial të opozitës për ta shkarkuar atë përmes Kuvendit të Kosovës.