Komandanti i misionit të KFOR-it, gjeneralmajor Enrico Barduani, ka kryer sot një vëzhgim përgjatë vijës kufitare me Serbinë me një helikopter hungarez H145, pjesë e Detashmentit të Aviacionit të KFOR-it.
Sipas njoftimit të KFOR-it, helikopteri hungarez dhe ekipi i tij, të sapoangazhuar në mision, do të kryejnë operacione fluturimi në mbarë Kosovën, duke përforcuar kapacitetet e Inteligjencës, Mbikëqyrjes dhe Zbulimit (ISR) të KFOR-it.
“KFOR-i vazhdon të zbatojë mandatin e tij, për të kontribuar në një mjedis të sigurt për të gjithë njerëzit dhe komunitetet që jetojnë në Kosovë, si dhe për të garantuar lirinë e lëvizjes në çdo kohë dhe në mënyrë të paanshme” thuhet në njoftim.
Po ashtu, KFOR-i thekson se bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në përmbushjen e roleve të tyre si institucione të sigurisë.
Të tjera
Lajme
Tërmet në Shqipëri, ja sa ishte magnituda
Lëkundje të lehta tërmeti janë regjistruar
Aktuale
Miratohet në Kuvend zgjatja buxhetore për muajin mars
Në seancën e sotme, me 99
Aktuale
1 votë kundër rezolutës në mbrojtje të ish krerëve të UÇK-së ishte e deputetit të VV-së Fatos Geci
Kuvendi i Kosovës ka miratuar rezolutën