Kryetari i AAK’së, Ramush Haradinaj, ka thënë se sot konstituimin e kuvendit e ka bllokuar kryeministri në detyrë, Albin Kurti.
“Konstituimin e Kuvendit sot e ka bllokuar vetë Albin Kurti. Ligji e Kushtetuta e këtij shteti nuk lejojnë që të mbash edhe postin e Kryeministrit apo të Ministrit dhe të betohesh si deputet.”
Ai ka thënë Kurti nuk mund të ulet në dy karrige njëkohësisht, derisa ka shtuar se nuk e votuan raportin për shkak se nuk mund ta shkelim Kushtetutën.
“Nuk mund të ulesh në dy karrige njëkohësisht. Ne nuk mund ta shkelim Kushtetutën dhe të veprojmë ndryshe, prandaj nuk e votuam raportin.”
Haradinaj i ka bërë thirrje Kurtit dhe ministrave që të tërhiqen nga postet ose nga mandatet e deputetit e mos t’i fajësojnë të tjerët.
“Albin Kurti me ministrat e tij, nëse duan ta konstituojnë Kuvendin, le të tërhiqen ose nga postet ministrore, ose nga mandati i deputetit, e të mos i fajësojnë të tjerët për gabimet e veta.”
Sot ka dështuar seanca konstituive e kuvendit pasi nuk ka kaluar raporti i komisionit për verifikimin e mandateve të deputetëve. Kjo pasi PDK, LDK e AAK votuan kundër me arsyetimin se anëtarët e qeverisë që janë zgjedhur deputetë nuk kanë dhënë dorëheqje. /GazetaExpress/
Të tjera
Aktuale
Rënie dramatike e pensioneve invalidore në Kosovë, 26.8% më pak përfitues
Numri i përfituesve nga disa skema
Showbiz
Olta Gixhari mahnit me paraqitjen e saj të fundit
Olta Gixhari ka rrembyer zemrat e
Aktuale
Mbërrin në detin e Kroacisë luftanija më e madhe në botë
Aeroplanmbajtësja amerikane USS Gerald R. Ford,