Filmi i shkurtër ‘Heroi i Shkretëtirës’ (Hero of the Desert) me skenar dhe regji te Lorena Sopit, i cili sonte shfaqet premiere ne programin zyrtar te njërit nder festivalet më të njohura të Evropës, në edicionit të e 76-të të International Film Festival of Salerno, gjatë javës se fundit te nëntorit, do te garoj edhe ne pesë festivale ndërkombëtare.
Me date 27 nëntor do te shfaqet në Mediterranean Film Festival i cili mbahet në Cannes te Francës ku është i nominuar për çmimin kryesor. Poashtu, te njëjtën dite do te shfaqet edhe në London Movie Festival ne Londër te Mbretërisë së Bashkuar ku është i nominuar ne dy kategoritë kryesore, kurse me date 28 nëntor, do të shfaqet në Directors Circle Festival of Shorts, i cili do të mbahet në Erie te Shteteve te Bashkuara, Një ditë më vonë, me datë 29 nëntor do te shfaqet ne Tehnochat International Film Festival ne Barcelone, ku është i nominuar në pesë kategori për çmimet kryesore, kurse një ditë më vonë do te shfaqet edhe në Festivalin Lusi Bunuel Memorial Awards i cili mbahet ne Kalkutë te Indise, kurse me date 03 dhjetor, do te shfaqet ne Festivalin Balcans Beyond Border ne Athinë të Greqisë.
Filmi 25 minutash i cili ndërtohet mbi linjën logjike, “Gjithçka që doni në jetën tuaj papritmas mund të humbet, por në fund, dashuria do të kthehet në një mënyrë tjetër.” është prodhuar nga AS Film dhe Film Fest Kosova, me mbështetjen e Departamentit për Kulture te MKRS-se dhe Komunës së Prishtinës. Ne rolet kryesore shfaqen Vjosa Tasholli, Mikel Markaj, Dibran Tahiri, Jehona Gashi, e te tjerë. Skenograf është Uran Duli, Gafer Elbasan Sherifi, kostumografe Alma Krasniqi, dizajner zëri Ilir Xheladini, ndihmës regjisori Sovran Nrecaj dhe Hana Bucaliu, Drejtor fotografie është Lorenc Pelushaj dhe skenariste e regjisore Lorena Sopi.