E rëndë në Suharekë: Ky është burri që u dogj brenda veturës

Një rast i rëndë ka ndodh këtë pasdite në Leshan të Suharekës. Një burrë 82-vjeçar është djegur plotësisht në veturën e tij, e cila ka marrë flakë, raporton Gazeta Sinjali.

Gazeta Sinjali mëson ekskluzivisht se i vdekur nga incidenti fatal ka mbetur: Muhamet Gashi, 82-vjeçar.

Sipas informacioneve të para, trupi i viktimës ishte djegur plotësisht, bashkë me automjetin, duke e bërë të vështirë përcaktimin e menjëhershëm të shkakut të vdekjes.

Për momentin, vdekja është cilësuar si e dyshimtë, dhe të gjitha rrethanat janë duke u hetuar nga Njësia Rajonale e Hetimeve në koordinim me prokurorinë kompetente