Një ndërtesë katërkatëshe ka shpërthyer ditën e sotme në periferi të Salamanca, në Madrit Spanjë.Shpërthimi i cili dyshohet të jetë shkaktuar nga një rrjedhje gazi, ka shkaktuar plagosjen e 17 personave, sipas El Pais.
Sipas raportimeve të mediave lokale thuhet se njëri prej të plagosurve është transportuar në spital me plagë të rënda, ndërsa të tjerët kanë marrë ndihmën e parë në vendngjarje pa qenë nevoja të transportohen në spital.
Ndërtesa ka pësuar dëme të rënda materiale, ndërsa dëmtime të shumta ka edhe në automjete e parkuara.Në zonën shpërthimit kanë shkuar zjarrfikësit nga Madridi, shërbimi lokal i mbrojtjes civile dhe policia bashkiake.
Një zëdhënës i shërbimeve të urgjencës tha se “zjarrfikësit po përpiqeshin të arrinin në banesën ku ndodhi shpërthimi, me një shkallë nga pjesa e përparme e ndërtesës dhe se ata kishin shpëtuar katër persona brenda. Për momentin zjarrfikësit po i japin përparësi kërkimit të viktimave të mundshme që mund të jenë brenda ndërtesës”, shtoi zëdhënësja
