Kush është udhëheqësi kryesor ushtarak i Iranit tash?

Me vdekjen e disa komandantëve të lartë iranianë gjatë sulmeve nga SHBA dhe Izraeli, shtrohet pyetja se kush është figura kryesore ushtarake në Iran tani.

Nga raportet në mediat iraniane, duket se ai është Gjeneral Major Ali Abdollahi. Ai aktualisht është komandant i Shtabit Qendror Khatam al-Anbiya, i cili koordinon mbrojtjen kombëtare mes ushtrisë dhe IRGC-së, Korpusit të Gardës Revolucionare Islamike, i cili më herët emëroi një komandant të ri, shkruan BBC.

Sipas raportimeve të mediave iraniane, Abdollahi ishte në mesin e grupit që po mbante zi për vdekjen e Khameneit sot në Teheran.

Ai thotë se Irani do t’u “përgjigjet kërcënimeve të armiqve në fushëbetejë” dhe gjithashtu tha se “gatishmëria e forcave të armatosura është më e madhe se kurrë”.

Abdollahi u sanksionua nga SHBA në janar 2020 së bashku me komandantë të tjerë ushtarakë në përgjigje të sulmeve me raketa iraniane ndaj bazave ushtarake amerikane në Irak.