Akademia e Flakes se Janarit: Lutfi Haziri: Heronjtë na mësuan se si duhet atdheu e si fitohet liria me sakrificë

Në Gjilan edhe zyrtarisht ka nisur Manifestimi Shumëkulturor “Flaka e Janarit 2021”, që është edicioni  jubilar i 30-ti me radhë. Manifestimin e ka shpallur të hapur kryetari i Gjilanit, Lutfi Haziri, i cili në hapje  pasi ka përmendur të gjitha përpjekjet për liri në janarët e kuq ndër vite, ka theksuar se pikërisht 30 vite  më parë nisi rrugëtimin “Flaka e Janarit”, kurse nga ky vit ky manifestim hynë në radhën e manifestimeve  të kulturës shpirtërore të shqiptarëve dhe vendoset në kalendarin kombëtar të aktiviteteve.    Haziri ka thënë se heronjtë na mësuan se si duhet atdheu e si fitohet liria me sakrificë, se si kryengritet  për të drejta e për liri.   “Të vazhdojmë bashkë, pa dallime, për një qëllim, për një atdhe, për një komb e një flamur, sepse edhe  hapin e fundit na duhet ta bëjmë bashkë dhe atë hap nuk duhet ndalë për ta quar vendin përpara”, ka  thënë Lutfi Haziri, kryetar i Gjilanit, që ka shtuar se sivjet në kushte pandemie, ky teatër do të ofrojë   kulturë e respekt, por gjithnjë vlera të mirëfillta kulturore.     Vlora Dumoshi, ministre e Kulturës në Qeverinë e Kosovës, ka shprehur mirënjohje për familjet e  dëshmorëve që sollën lirinë, duke shtuar se ky manifestim mbledh artistë nga të gjitha trevat shqiptare,  është manifestim i vlerave, andaj duhet ta ruajmë e ta kultivojmë atë.   Sipas Dumoshit, “Flaka e Janarit” meriton mbështetje të Ministrisë.   Për jetën dhe veprën e Kadri Zekës, të cilit i është kushtuar manifestimi i sivjetmë, ka folur atdhetari  Bejtullah Tahiri, i cili ka thënë se ndër vite kjo datë e ka gjetur në Zagreb, Shqipëri e Zvicër, por gjithnjë  është shënuar në mënyrë dinjitoze. Që nga vrasja tinëzare e heronjve, Kadri Zeka, Jusuf e Bardhosh  Gërvalla shpirtërisht gjenden në zemrat e çdo shqiptari.   “Kadri Zeka u brumos me ide patriotike që nga rinia, ai bashkëpunoi me Rexhep Malën e Nuhi Berishën,  edhe si studentë pati veprimtari në lëvizjen për çlirim, derisa në mërgim pos që publikoi në revista të  ndryshme, ai se bashkë me vëllezërit Gërvalla bëri përpjekjet për bashkim të lëvizjes së shkapërderdhur    në mërgim si dhe për pavarësimin e klubeve shqiptare në mërgim”, theksoi Bejtullah Tahiri, duke shtuar  se pas demonstratave të vitit 1981, ai organizoi demonstrata në Evropë, internacionalizoi çështjen e  Kosovës në botë. Ai dha shembullin më të mirë për bashkim.   “Vrasje e Kadri Zekës dhe e vëllezërve Gërvalla ishte goditje e rëndë, por vepra e këtyre atdhetarëve  kishte lëshuar rrënjë tek populli shqiptar, që u kurorëzua me luftën çlirimtare të UÇK-së”, ka thënë Tahiri.   Në emër të familjes së Kadri Zekës, ka folur Izmi Zeka, që tha se u bënë 39 vite kur ranë Kadri Zeka e  vëllezërit Gërvalla, 37 vite kur ranë Rexhep Mala e Nuhi Berisha dhe kur vite e vite kur ranë shumë …