Më vërshimet pas reshjeve të shiut, po përballet edhe komuna e Pejës.Si pasojë e reshjeve është rritur niveli i ujit të Lumbardhit i cili ende vazhdon të jetë rrezik, pasi niveli i ujit është duke u rritur.
Banorja Irma Muric e lagjes Puhovc të Pejës, i ka thënë Insajderit se vërshimet po ia përmbysin shtëpinë.
Ajo ka theksuar se i kanë kontaktuar shërbimet emergjente, madje edhe kryetarin Gazmend Muhaxheri, mirëpo askush nuk po iu del në ndihmë.
Sipas saj, niveli i ujit po vazhdon të rritet dhe t’ua vështirëojë më shumë gjendjen.
“Përgjegjësia mbetet te kryetari, pasi që gjatë ndërtimit të murit e kanë lënë këtë pjesë pa mbrojtje. Kemi nevojë për ndihmë, situata është emergjente”, ka theksuar Muric.
Shikoni videon: