Të thuash Kosova është shkatërruar për 20 vjet “është argument i budallës”, thotë Kelmendi

Gazetari Adriatik Kelmendi i ka reaguar Ministrit të Financave, Hekuran Muratit, i cili nxori argumentin më kontraverz e që karakterizon Lëvizjen Vetëvendosje se “Kosova është shkatërruar qe 20 vjet”.

Kelmendi tha se një pohim i tillë “është argument i budallës” dhe “marrëzi”.

Postimi i Kelmendit:

Kuptojeni, nuk ka asgjë më antishqiptare dhe anti-Kosovë sesa të thuhet “është shkatërruar gjithçka për 20 vjet të pasluftës”!

Kjo i bjen që në kohën më të keqe për shqiptarët, gjatë aparteidit të Milosheviqit, Kosova qenka ndërtuar e paska lulëzuar, kurse këtë ndërtim e paskan prishur shqiptarët për 20 vjet në liri!

Nuk ka marrëzi më të madhe se kjo! E di që shpesh përdoret lehtësisht për nevoja elektorale, por është një “argument” i budallës, tepër i dëmshëm.

Kushdo që e thotë lehtësisht mund të pandehet se po e madhështon Milosheviqin!

Boll më!