Shqetësuese: Dy fëmijë u braktisën brenda një muaji në Kosovë

Agjencia e Statistikave të Kosovës ka bërë publike të dhënat e muajit shkurt 2026, ku janë regjistruar gjithsej 2 raste të braktisjes së fëmijëve në nivel vendi.

Krahasuar me muajin janar, ku nuk është raportuar asnjë rast, ky numër shënon një rritje të lehtë.

Sipas statistikave, rastet e vetme të evidentuara për muajin shkurt janë raportuar në komunat e Gjilanit dhe Klinës, me nga një rast secila, ndërsa komunat e tjera nuk kanë raportuar raste të tilla.

Këto të dhëna janë pjesë e raportit mujor për mirëqenien sociale, i cili synon të pasqyrojë gjendjen dhe sfidat sociale në Kosovë.