Shpërthen mërgimtarja: 80% e diasporës s’dinë pse e votojnë Albin Kurtin (Video)

Mërgimtarja Herolinda Avdili Rexhepi ka reaguar me deklarata të forta lidhur me votën e diasporës dhe mbështetjen për Albin Kurtin dhe Lëvizjen Vetëvendosje, duke thënë se një pjesë e madhe e mërgimtarëve nuk e njohin realitetin me të cilin përballen qytetarët në Kosovë.

Aktivistja në Zvicër deklaroi në emisionin “Diaspora” në Klan Kosova se një pjesë e diasporës vazhdon të mbështesë pushtetin aktual pa e ditur arsyen konkrete.

“Shpesh i kam pyetë mërgimtarët pse po e votoni, edhe 80% e tyre nuk e dinë pse janë duke e votu VV-në”, tha ajo.

Avdili Rexhepi u shpreh kritike edhe ndaj përfshirjes së diasporës në proceset politike në Kosovë, duke shtuar se mërgimtarët nuk e përjetojnë përditshmërinë e qytetarëve që jetojnë në vend.