Shefi i OSBE-së kërkon formimin e shpejtë të institucioneve

Shefi i Misionit të OSBE-së në Kosovë, Gerard McGurk, ka uruar Komisionin Qendror të Zgjedhjeve për organizimin e procesit zgjedhor dhe kryetarin e LVV-së, Albin Kurti për rezultatin e arritur nga partia e tij në zgjedhjet parlamentare.

Përmes një postimi në platformën X, McGurk vlerësoi mbarëvajtjen e procesit zgjedhor dhe theksoi se tani përgjegjësia u takon të zgjedhurve.

“E përgëzoj KQZ-në për organizimin e një tjetër procesi të suksesshëm zgjedhor dhe Albin Kurtin për rezultatin e partisë së tij. Votuesit kanë folur; tani përgjegjësia u takon atyre që janë zgjedhur”, ka shkruar McGurk.

Ai theksoi se Misioni i OSBE-së në Kosovë bën thirrje për formimin në kohë të institucioneve të reja.

“OSBE-ja në Kosovë bën thirrje për formimin në kohë të institucioneve, si dhe për zgjedhjen e presidentit përmes dialogut dhe kompromisit”, ka shtuar ai.

Deklarata e McGurk vjen në kohën kur subjektet politike pritet të nisin diskutimet për formimin e institucioneve të reja pas zgjedhjeve të 7 qershorit.

I congratulate @KQZKosova for delivering another successful election and @albinkurti on his party’s result. Voters have spoken; responsibility now lies with those elected. @OSCEKosovo urges timely formation of institutions, election of President through dialogue and compromise.

— Ambassador Gerard McGurk (@OSCEKosovo_HoM)June 9, 2026