“Our World in Data”, një agjenci e cila mirret me statistikat nëpër botë ka publikuar së fundi një grafik rreth ritimit të vaksinimit.
Sipas “Our World in Data”, Shqipëria e para, ndërsa Kosova e parafundit, për 100 banorë.
Shqipëria renditet e para me 0.39 vaksinime duke lënë pas Kroacinë me 0.37, Serbinë 0.34, Malin e Zi 0.29, Lituaninë 0.24 madje edhe Turqinë me 0.23, e cila e ka nisur vaksinimin shumë kohë përpara Shqipërisë. Maqedonia e Veriut janë një pozicion më sipër Kosovës me 0.11 vaksina për 100 banorë. Në rajon Bosnja dhe Hercegovina renditet e fundit me 0.01.
Kujtojmë, që Kosova ka vetëm edhe 6 mijë doza të vaksinës AstraZeneca të cilat i ka pranuar si donacion nga rrjeti COVAX i furnizimit të vaksinave. Ndërsa lidhur me këtë, sot presidenti i SHBA-ve, Joe Biden i ka shkruar letër presidentes së Kosovës, Vjosa Osmani. Ai përveç se e ka uruar për zgjedhjen në krye të shtetit, iu është përgjigjur pozitivisht kërkesës së Osmanit për ndihmë për sigurimin e vaksinave.
Ndërsa sot, ministri i Shëndetësisë, Arben Vitia, ka nënshkruar Udhëzimin Administrativ për vaksinat anti-Covid, e në bazë të tij i hapet rrugë blerjes së vaksinave nga kompania Pfizer./Botapress/
