Ndërsa Barcelona vazhdon të thellohet në mes krizës së tyre dërrmuese financiare, Los Blancos gjenden në situatë shumë të mirë.
Real Madridi i ka rezistuar bërjes së nënshkrimeve të mëdha gjatë dy viteve të fundit, ndërsa ka sjellë vazhdimisht para nga lojtarët e larguar dhe huazuar.
Vitin e kaluar, klubi nga Santiago Bernabeu madje bëri një fitim të vogël pavarësisht nga pandemia e coronavirusit, diçka që shumë pak klube arritën.
Dhe kjo është për shkak të mungesës së shpenzimeve të tyre, të paktën derisa ata nënshkruan me Eduardo Camavinga këtë verë.
“Menaxhimi ekonomik që Real Madridi ka bërë gjatë pandemisë ka qenë i shkëlqyer. Nëse i shtoni rezultatet nga sezoni 2019/20 dhe 2020/21, ka një fitim prej 1 milion euro”.
“Ata kanë arritur një ekuilibër të faturave dhe të ardhurave për të mos pasur humbje”, ka thënë drejtori i korporatës së La Ligas, Juan Guerra.
Dhe siç e ka konfirmuar tashmë shefi i La Liga, Javier Tebas, Real Madrid tani është në një pozicion ku mund të shpenzojë në mënyrë të konsiderueshme për të nënshkruar me sulmuesin e Paris Saint-Germain, Kylian Mbappe.
Los Blancos ofruan diku afër 180 milionë euro për Mbappen në afatin e fundit kalimtar të verës, por ata nuk arritën ta ‘vjedhin’ nga PSG.
Në vend të kësaj, ata pritet të përpiqen ta nënshkruajnë atë falas verën e ardhshme, pasi janë të lirë të bien dakord për një marrëveshje para-kontrate nga janari.
Përndryshe, ata mund të hyjnë me një ofertë tjetër për ta nënshkruar atë në janar për një tarifë që duhet pajtuar me klubin francez./Botapress/
