Tragjeditë familjare, dyshimet për tradhti, abuzimi me alkoolin e bixhozin dhe xhelozia bëhen shpesh shkaktarë të dhunës që përjetojnë gratë në Kosovë nga partnerët e tyre. Për një rast të tillë, që ka ndodhur gjatë ditës së djeshme ka nisur hetimet Prokuroria Themelore në Prishtinë.
Sinjali mëson se rastin në Polici e ka denoncuar një 33-vjeçare e cila ka deklaruar se bashkëshorti i saj vazhdimisht për 6 vite e ka keqtrajtuar psiqikisht.
Karaçeva “ndriçohet” sërish, ringritën objektet e kazinove ilegale (Video)
Bazuar në dëshminë e saj, e gjithë kjo ka ndodhur për shkak të xhelozisë dhe për shkak të dhunës së vazhdueshme, ajo ka vendosur që të kërkojë ndihmën e organeve të rendit.
I dyshuari është arritur që të arrestohet dhe i njëjti është shoqëruar në stacion policor për intervistim.
Pas përfundimit të procedurave policore, prokurori ka urdhëruar që i dyshuari të dërgohet në mbajtje për 48 orë dhe i njëjti të hetohet nën dyshimet për kryerjen e veprës penale ‘Dhunë në familje’.