Gazeta Sinjali mëson ekskluzivisht se një zyrtar policor në Gjilan është arrestuar dhe dërguar në mbajtje nën dyshimin se ka ushtruar dhunë fizike dhe psikike ndaj të fejuarës së tij, ndërkohë që ndaj tij është marrë edhe masa e suspendimit nga detyra.
Sipas burimeve nga Prokuroria Themelore në Gjilan, më 14 prill 2025, është pranuar një ankesë nga qytetarja B.Sh, e cila ka deklaruar se i fejuari i saj, M.U, zyrtar policor në Stacionin Policor në Gjilan, ka ushtruar dhunë të vazhdueshme fizike, psikike dhe kërcënime direkte ndaj saj.
Pas hetimeve fillestare, autoritetet kanë konstatuar dyshime të bazuara se zyrtari ka konsumuar veprën penale “Dhunë në familje”.
Me vendim të Prokurorit kujdestar të Prokurorisë Themelore në Gjilan, M.U është dërguar në mbajtje për 48 orë, ndërsa për të parandaluar çdo ndikim në hetim dhe për të garantuar integritetin e procedurës, është marrë vendimi që i njëjti të suspendohet përkohësisht nga detyra për 72 orë, deri në një vendim tjetër ligjor.
Hetimet ndaj tij janë në zhvillim nga Inspektorati Policor dhe Prokuroria kompetente.
Të tjera
Aktuale
Dosja e Prokurorisë ndaj dy zyrtarëve të Suharekës: Buxheti i komunës u dëmtua afro 7 mijë euro
Prokuroria Themelore në Prizren ka ngritur
Aktuale
Limaj: Duhet të mblidhen dy apo tre grupime të fuqishme opozitare për ta bërë ndryshimin
Kryetari i Nismës Socialdemokrate Fatmir Limaj
Aktuale
Në Prizren, një grua gjendet pa shenja jete
Policia e Kosovës ka njoftuar se