Përplasje në Dumnicë të Podujevës – dy vëllezër dyshohen për sulm

Një incident i rëndë është regjistruar dje në orët e hershme të mëngjesit në fshatin Dumnicë e Poshtme të Podujevës, ku dy persona dyshohen se kanë sulmuar një qytetar pas një mosmarrëveshjeje.

Ngjarja sipas Sinjalit, ka ndodhur më 22 dhjetor 2025, rreth orës 07:00. Ankuesi, A.O, është paraqitur në Stacionin Policor në Podujevë, duke deklaruar se pas ndalimit të dy automjeteve, është përfshirë në një konflikt me persona që i njeh nga më herët.

Sipas deklarimit, i dyshuari Y.K e ka goditur ankuesin me shuplakë, ndërsa i dyshuari tjetër, J. K, ka tentuar të nxjerrë një mjet të fortë (pajser) nga bagazhi i veturës. Situata, sipas ankuesit dhe dëshmitarëve, është parandaluar nga kalimtarë të rastit që kanë ndërhyrë me kohë.

J. K është intervistuar në prezencë të avokatit mbrojtës dhe ka pranuar se e ka goditur ankuesin me shuplakë, por ka mohuar se ka tentuar të marrë mjet të fortë, thonë burimet e Sinjalit.

Në cilësi të dëshmitarit është intervistuar edhe A. O., i cili ka konfirmuar versionin e ankuesit, duke deklaruar se njëri nga të dyshuarit e ka goditur me shuplakë, ndërsa tjetri ka shkuar drejt veturës për të marrë një mjet të fortë, por është ndalur nga qytetarët.

I dyshuari Y. K nuk është hasur në adresën e tij të banimit dhe do kërkohet në ditët në vijim.

Me urdhër të Prokurorit kujdestar, rasti është iniciuar si “Sulm”, është urdhëruar ndalimi për 48 orë i të dyshuarve dhe inicimi i kallëzimit penal, ndërsa rasti i është përcjellë njësisë së hetimeve për veprime të mëtejme.