Botapress, 1 Qershor – Kandidati i Lidhjes Demokratike të Kosovës për kreun e Prishtinës, Përparim Rama, ka reaguar pas emisionit Rubikon në të cilin tha se ai është apartiak në garën për kryeqytetin.
Por, me anë të një postimi në Facebook pas emisionit, Rama ka thënë se ai është kandidat i LDK-së dhe është pjesë e kësaj partie në këtë garë.
“Unë jam kandidat i LDK-së. Jam pjesë e LDK-së në këtë garë. Garoj bashkë me listën e asambleistëve të LDK-së; shtëpisë politike të Republikës së Kosovës. Do të jem Kryetar i të gjithë qytetarëve të Prishtinës pa anime politike por me vizion të fortë e të qartë për Kryeqytetin, qytetin e të gjithëve”, ka shkruar Rama, transmeton Klankosova.tv.
