Me qëllim të ngritjes së sigurisë në trafikun rrugor dhe me qellim të parandalimit të aksidenteve përpos detyrave dhe angazhimeve të rregullta, Policia në Rajonin e Mitrovicës këto ditë është fokusuar në identifikimin dhe marrjen e masave ligjore ndaj të gjithë kundërvajtësve të cilët shkaktojnë kundërvajtje me përdorimin e telefonit gjatë ngasjes së automjeteve.
Për këtë qëllim, janë angazhuar zyrtarë policor në rroba civile dhe me automjete zyrtare civile e gjithashtu edhe zyrtarë policor të uniformuar të cilët janë duke marrë masa dhe duke shqiptuar gjoba ndaj kundërvajtësve për këtë lloj kundërvajtje e cila është një prej faktorëve të aksidenteve rrugore.
Që nga data 14 Shtator 2021, zyrtarët policorë në kuadër të Stacioneve Policore dhe të Njësië së Trafikut Rrugor, kanë shqiptuar /195/ gjoba vetëm për përdorimin e telefonit gjatë drejtimit të automjeteve.
Policia në Rajonin e Mitrovicës apelon te të gjithë ngasësit që të kenë kujdes dhe t’u përmbahen rregullave të trafikut rrugor në të kundërtën policia ndaj gjithë pjesëmarrësve që nuk respektojnë rregullat e trafikut do të ndërmarrë masa të parapara me ligj.