Ndeshja që fitoi 4-0 Al-Nassr kundër skuadrës Al-Wahda të Mekës kishte një protagonist të qartë që vendosi rrjedhën e lojës: Cristiano Ronaldon. Portugezi ofroi edhe një herë një nga versionet e tij më të mira në fushë dhe i bëri tifozët e tij të rinj të bien në dashuri, duke nënshkruar edhe ‘pokerin’ e tij të parë në Arabi (4 gola).
Ajo që askush nuk e pa në transmetimin e drejtpërdrejtë ishte ajo që ndodhi në një nga tribunat e stadiumit. Një murtajë karkalecash zuri vend në skenën e ndeshjes. Pak minuta pas përballjes, pamjet u bënë virale në rrjetet sociale.
Disa përdorues i morën keq imazhet, pasi i kategorizuan si të neveritshme, ndërsa të tjerë donin të përfitonin nga ajo që ndodhi dhe vlerësuan figurën e Cristiano Ronaldos, duke thënë, se as insektet nuk donin të humbnin ndeshjen më të mirë të portugezit me ekipin e tij të ri. “Edhe insektet duan ta shohin insektin”, “CR7 ndikon edhe te insektet, është shumë”, kanë postuar disa përdorues në Twitter.
Pak vite më parë, Cristiano Ronaldo pësoi një incident të njohur me një molë. Konkretisht, në finalen e Euro 2016 , që përballi Francën kundër Portugalisë, pati një tufë molash që pushtuan stadiumin dhe njëra prej tyre zbarkoi në ballin e yllit portugez, duke krijuar një imazh që mbahet mend edhe sot.
