Presidentja Vjosa Osmani bashkë me të Ngarkuarin me Punë të Ambasadës së SHBA-së, Nicholas Giacobbe vizituan sot Kampin Liya, ku po qëndrojnë refugjatët afganë.
“E rrethuar nga fëmijët afganë që vazhdonin lojën e harenë, edhe pse në tokë të huaj, sot kuptuam edhe njëherë rëndësinë e ngrohtësisë e nivelit të dashamirësisë që duhet ta karakterizojnë një vend që i hap dyert për ata që janë në nevojë”, ka shkruar Osmani në Facebook.
“Dikur ishin vendet e tjera për ne, e sot jemi ne në gjendje të bëhemi shtëpi e përkohshme e atyre që u detyruan të lënë pas shtëpitë e tyre”, shtoi e para e shtetit.
“Kosova dhe populli i Kosovës do të jenë gjithnjë aty për të ofruar siguri dhe strehë. Ndihemi të nderuar që jemi në gjendje të qëndrojmë pranë aleatëve tanë”, ka shkruar Osmani, percjell Botapress.info
