Osmani pret në takim Begajn: Kosova dhe Shqipëria kanë nevojë të jenë gjithmonë pranë njëra-tjetrës

Presidentja e Kosovës, Vjosa Osmani, ka pritur sot në takim Presidentin e Shqipërisë, Bajram Begajn, që po qëndron për vizitë në Kosovë.

Osmani ka thënë se me Begajn biseduam për bashkëpunimin e pandalshëm dhe nevojën që Kosova dhe Shqipëria të jenë gjithmonë pranë njëra-tjetrës.

“Në prag të festave të fundvitit, i përcolla urimet më të përzemërta, me dëshirën që viti që vjen të sjellë edhe më shumë afërsi, më shumë bashkëpunim dhe hapa të suksesshëm drejt Bashkimit Evropian për dy shtetet tona”, ka shkruar Osmani.