Osmani e anulon, Kurti shkon në Konferencën e Munihut

Kryeministri i Republikës së Kosovës, Albin Kurti, ka udhëtuar për në Gjermani, ku do të merr pjesë në edicionin e 62-të të Konferencës së Sigurisë në Mynih e cila do të mbahet nga 13 deri më 15 shkurt.

Sipas një njoftimi të Zyrës së Kryeministrit për media, ai do të marrë pjesë në aktivitetet e organizuara në kuadër të konferencës, si dhe do të zhvillojë takime bilaterale në margjina të saj.

Konferencë kjo në të cilën presidentja, Vjosa Osmani, gjatë ditës së djeshme e ka anuluar pjesëmarrjen në Konferencën e Sigurisë në Munich, për arsye të angazhimeve institucionale dhe prioriteteve që lidhen me zhvillime brenda vendit.

Në këtë konferencë do të marrin pjesë qindra udhëheqës botërorë, përfshirë, Sekretarin Amerikan të Shtetit, Marco Rubio.