Në aksionin e sotëm të Prokurorisë Themelore të Ferizajt në mesin e 7 të arrestuarve është edhe Arben Çitaku, ish-sekretari i Ministrisë së Ambientit.
Kështu merr vesh “Gazeta Blic” nga burime të saj brenda Policisë së Kosovës njësiti për krime ekonomike. “Në mesin e 7 të arrestuarve është edhe ai”, i ka thënë ky burim gazetës.
Shtatë të arrestuarit, janë të ndaluarit e parë lidhur me rastin e sotëm ku u bastisen 10 lokacione duke përfshirë edhe zyrat e ministrisë së Infrastrukturës dhe Ambientin.
Kryeprokurori i Ferizajt, Shukri Jashari ka konfirmuar se dy prej të arrestuarve janë zyrtarë të ministrisë ndërsa pesë të tjerë janë qytetarë.
Aksioni po zhvillohet në Prishtinë, Ferizaj e Shtërpcë.
Aksioni ka të bëjë me ndërtimet në Brezovicë e që është vazhdimësi e aksionit të 21 dhjetorit ku ishin arrestuar 10 persona ndër ta edhe ish-kryetari i Komunës së Shtërpcës.