Nisin homazhet në nderim të akademikut Rexhep Qosja

Kanë nisur homazhet përkujtimore në nderim të jetës dhe veprës së akademik Rexhep Qosja.

Nën përkujdesjen e ushtrueses së detyrës së Presidentes së Kosovës, Albulena Haxhiu është hapur edhe Libri i Zisë për të gjithë qytetarët që duan të shprehin respektin dhe ngushëllimet e tyre.

Homazhi dhe shkrimi në librin e zisë do bëhet në Hollin e Kuvendit të Republikës së Kosovës.

Ky aktivitet organizohet për të nderuar kontributin e tij të gjerë në gjuhësi, letërsi, mendim kritik dhe jetën publike shqiptare, si një nga figurat më të rëndësishme të kulturës dhe dijes në hapësirën shqiptare.

Akademiku, shkrimtari dhe kritiku letrar shqiptar, Rexhep Qosja, ka vdekur të enjten në moshën 90-vjeçare. Në nderim të jetës së Qosjes, në Kosovë sot do të jetë ditë zie.

Familja shkroi se  Qosja vdiq dhe u varros të enjten në një ceremoni private familjare.