Pse s flet o poet?Unë meditoj: tash e 144 vjet!
Shumë net e motmote na ndajne nga Kongrese
E Marreveshtje Paqeje në Versaje e Paris…
Në Berlin dje e sot në Bruxel ndahet copa e bukës pa kripë…
100 vjet durimit po i mesojmë rregullat e mistershme
Të lojës me hile dhe prap po mashtrohemi
Me nga një kockë të rjepur që qeni na hedh me kthetra në sofer…
Pasi ta ketë lëpirë e mbllaqitë
Evropa e Gjergj Fishtës hesht dhe zgerdhihet me ne,
Se ne duam ta rjepim njani tjetrin e ne fyt
Fjala e kënga na ngecën në arzë!
Çele gur gojën? Kapak i kemi vënë tutzës. Ftymëmarrja na u ngri…
Ku me marrë mësim nga dalldia e dallkaukëve te vatanit?!
Mish per top kemi qenë provë për hijena.
Gjithmonë na vjerren në çengela që bishat te na shqyejnë
Nga një copë tokë hartë e lumenjtë tanë kullojnë djersë e zdrale
Nga enët dhe “mapat” që pastron e lumja Evropa me klyshet e zagarët e Karpateve.
Të fisëm e të prapambetur me nga një copë Universitet
Të Oxfordit e Harvard University u rritëm në prehrin tënd Evropë.
Se ky yni nuk njihet as në Tiranë as në Nish se Beligradi frymon në Moskov.
Do bjerë shi e borë dhe akujt ndër strehë do të ngrijnë përsëri.
Kur do të çelë pranvera për kecat dhe qengjat
që t’i kafshojnë dhëmbët e këlyshëve t’Ujkut të Stepës?
Kur do të korrim te mbjellat tona,
Se arat po na zbresin nga harta
Lisat po na i zhbinë lumi
se detërat po na i merr armiku e
Vëllezërit e Adem Demaçit dhe vëllau i qumshtit e gjirit te nënës Kralicë – Edi Kristaq Ramës…
Hesht se gojës kapak po i vejmë e dryrët s’ po mund i çelim,
Se na janë ndryshkur fjalët…
Kush na i këndon këto shkrojlat tona?
As ata që monitorojnë me sytë e Orvellit
S’kanë vakt se Evropa e komshitë e saj po ndajnë për “patriotët e vatanit” valigjet me lekë, lira, dollarë dhe denarë e dinarë…
