Netanyahu mbërrin në SHBA për bisedime me Trumpin

Kryeministri izraelit, Benjamin Netanyahu, ka mbërritur në SHBA për një takim me presidentin Donald Trump.

Bëhet e ditur se liderët do të diskutojnë mbi Hamasin, Iranin dhe zgjerimin e marrëdhënieve diplomatike me vendet arabe.

Sipas Netanyahut, duke punuar me SHBA-në, mund të “forcojnë sigurinë dhe të arrijnë paqen përmes forcës”.

Ndryshe, Netanyahu është nën presion në rritje nga disa prej partnerëve të tij qeverisës për të rifilluar luftën pas përfundimit të fazës së parë në fillim të marsit.

Ai këmbëngul se Izraeli është ende i përkushtuar për fitoren ndaj Hamasit dhe kthimin e të gjitha pengjeve të kapur në sulmin e militantëve të 7 tetorit 2023 që shkaktoi luftën.