Nesër bllokohet përkohësisht kjo rrugë në Prishtinë për shkak të punimeve

Drejtoria e Shërbimeve Publike në Prishtinë ka njoftuar se nesër, më 6 qershor 2026, rruga “Fehmi Agani” do të jetë e mbyllur përkohësisht për qarkullim nga ora 08:00 deri në 16:00.

Sipas drejtorit Leutrim Retkoceri, ky bllokim vjen si pasojë e punimeve që po zhvillohen për instalimin e rrjetit të ri të ndriçimit publik, një investim ky që synon përmirësimin e infrastrukturës së Kryeqytetit.

Komuna u bën thirrje qytetarëve dhe pjesëmarrësve në trafik që gjatë kësaj periudhe të shfrytëzojnë rrugët alternative dhe të respektojnë me kujdes sinjalizimin e vendosur në terren.