Deputeti i Partisë Demokratike (PD) në Kuvendin e Shqipërisë, Kreshnik Çollaku, ka thënë se subjekti politik i tij po përgatit që sa muaj një rezolutë për ta dënuar gjenocidin serb kundër shqiptarëve në Kosovë.
Ai këto deklarata i dha për mediumin Tëvë1, duke thënë se është çështje javësh para se të paraqitet në Kuvendin e Shqipërisë.
Kuvendi i Shqipërisë sot ka rrëzuar kërkesën e deputetit Tritan Shehu dhe ka votuar kundër rezolutës që dënon gjenocidin serb në Srebrenicë të Bosnje dhe Hercegovinës.
Lidhur me këtë ka reaguar edhe kryeministri i Shqipërisë, Edi Rama, njëherësh edhe kryetar i partisë e cila refuzoi ta votonte rezolutën, duke e quajtur një gjë të tillë si “lojë të ulët të Sali Berishës”.
Qeveria e Kosovës ka bërë të ditur muaj më parë se po synon ta padit Serbinë për kryerje të gjenocidit në luftën e fundit në Kosovë.