Futbolli kolumbian në zi, Freddy Rincon nuk ia doli. Ish-mesfushori ka ndërruar jetë gjatë natës, lajmi është dhënë nga mjekët e klinikës në Calì, që po e trajtonte pas aksidentit automobilistik, së bashku me familjen e tij.
Rincon, i cili dje kishte mbushur 56 vjeç, ishte në gjendje kritike prej disa ditësh, pas aksidentit të frikshëm me makinë. Pasi zbarkoi në Evropë më 1994, te Napoli i Boskov, ai kishte luajtur vetëm një sezon me blutë, përpara se të transferohej te Real Madridi.
Pas eksperiencës në “Bernabeu”, ish-mesfushori u transferua në Brazil. Me Kolumbinë mori pjesë në tri Kupa Bote midis viteve 1990 dhe 1998.
Ish-lojtari 56-vjeçar, pasi mbërriti në klinikë u operua për 2 orë e 45 minuta prognoza e tioj shëndetësore u konsiderua konfidenciale. Sipas një zëdhënësi të spitalit, Rincon mbërriti në urgjencë me një dëmtim të rëndë traumatik të trurit.
Klinika ku ishte shtruar ish-lojtari bëri të ditur fillimisht me anë të një njoftimi për shtyp se Rincon ishte në një prognozë konfidenciale dhe se shpejti do të operohej:
“Pas vlerësimeve të kryera, ekipi i specialistëve në ngarkim të pacientit ka marrë vendimin për të kryer një operacion. Aktualisht prognoza e tij është konfidenciale”.
