Musliu: VV-ja ta kuptojë se Kuvendi nuk është seli e tyre

Deputetja e PDK-së, Ganimete Musliu, është deklaruar për herë të parë pas ndërprerjes së seancës së sotme konstituive, e ku sebep ishte vet ajo.

Ajo, në Klan Kosovës, ka deklaruar se me veprimin e sotëm do të thotë se ajo do të jetë gjithmonë zë i qytetarëve të vendit dhe se nuk do të lejojë poshtërimin nga VV-ja.

“Duhet ta kenë të qartë një herë e përgjithmonë edhe Avni Dehari, Albin Kurti dhe Dejona Mihali që Kuvendi nuk është seli e VV-së, është shtëpi e popullit, është shtëpi e demokracisë. Në demokraci shumica gjithmonë i merr vendimet, kur flas për shumicën e përmend se 68 për qind e qytetarëve të Kosovës jo rastësisht kanë votuar për LVV-në dhe nuk përfaqësohen nga LVV-ja”.

“Prandaj edhe sot ka edhe ditë që është bërë mjaft, është seanca e 51-të që Kuvendi është marrë peng për qefje të Albin Kurtit të një njeriu. Kjo është e papranueshme dhe e patolerueshme”, u shpreh Musliu.