Botapress 31 Gusht – Më 15 prill të këtij viti, ministri i Shëndetësisë Arben Vitia refuzoi të nënshkruajë kontratën me Pfizer dhe BioNtech për furnizimin me 500 mijë doza të vaksinave Anti Covid 19.
Arsyetimi banal i ministrit Vitia ishte se kjo kontratë ishtë hartuar nga ish-ministri Armend Zemaj dhe se ministria do të arrijë marrëveshje me kohë me kompanitë e njohura evropiane e amerikane për furnizim me vaksina, shkruan Botapress.
Ndërkaq më 15 Qershor te këtij viti Vitia dha “lajmin e madh” se ka nënshkruar kontrate me Pfizer dhe se deri në fund të muajit do të vijnë mbi 40 mijë doza të kësaj vaksine.
Por megjithëse deri më tash nga kontrata e Qeverisë Kurti dhe nga donacioni i BE-së kanë mbërritur rreth 200 mijë vaksina Pfizer, kjo shifër ëahtë shumë e vogël krahasuar me numrin e popullatës në Kosovë e mbi të gjitha është fare shifër e vogël krahasuar me kërkesat që populli i Kosovës ka ndaj kësaj vaksine amerikane.
Në një situate te tillë, vetë kryeministri Kurti deklaroi së fundi se ai dhe disa ministra jane vaksionuar me vaksinën Astra Zeneca, por që realiteti në terren po tregon se edhe këto vaksina po mungojnë përballë kërkesave dhe nevojave të popullatës për vaksinim.
Kështu premtimi i Qeverisë Kurti, kryeministrit dhe ministrit të shëndetësisë që deri në vjeshtë të vaksionojë mbi 70% të popullatës janë vetëm premtime boshe dhe “ëndrra me sy qelë”.
Prandaj me të drejtë shtrohet pyetja se ku janë 500 mijë vaksinat e premtuara të kontratës me Pfizer dhe pse ka kaq mungesë të madhe të vaksinave në Kosovë përballë kërkesave të shumta të popullatës dhe valës së madhe të infektimeve me virusin Delta dhe shtimit të rasteve të vdekjeve në Republikën e Kosovës.
Kujtojmë se muaj më parë Kosova ishte hequr nga lista e BE-së me rrezik të lartë të infektimit ndërkaq këto ditë vendi ynë është rikthyer në “listën e zezë” të BE-së madje është në vendin e parë për nga shkalla e mortalitetit të vendeve deri në 1 milion banorë duke ua kaluar edhe vendeve të tjera si Columbia, Bolivia Peru e vendeve të tjera të Amerikës latine, shkruan Botapress.