Një mësues në Kolumbi ka thënë se nuk e dinte që e ka të aktivizuar kamerën, kur e rrasi fytyrën në gjoksin e bashkëshortes gjatë një ore mësimore që po zhvillohej përmes aplikacionit “Zoom”.
Ruben Dario Parra Zuleta e puthi gjoksin e bashkëshortes së tij gjatë orës mësimore për lëvizjet lëkundëse në institucionin arsimor “San Vicente” të qytetit Palmira. Sjellja e mësuesit u incizua nga një nxënëse që ishte e lidhur në Zoom. Ajo i shpërndau pamjet në rrjetet sociale.
Shkolla pranoi se mësuesi i saj është sjellë në mënyrë jo të duhur para nxënësve, ndërsa autoritetet kanë nisur një hetim rreth këtij incidenti, shkruan RT.
Mësuesi kërkoi falje për veprimin e tij, duke thënë se ka bërë një gabim serioz pa e ditur se kamera ka qenë duke incizuar në atë kohë. Ai tha se nuk ka pasur për qëllim që momentet me bashkëshorten t’i ndajë me nxënësit.
Incidentet me aplikacionin Zooom janë bërë mjaft të shpeshta gjatë pandemisë, pasi njerëzit aksidentalisht po shfaqin më shumë sesa kanë për qëllim. Vitin e kaluar, një politikan argjentinas u detyrua që të jepte dorëheqje nga kuvendi pasi u incizua duke bërë një veprim të ngjashëm me atë të mësuesit nga Kolumbia.
