Notuesja kanadeze Penny Oleksiak pas 7 medaljeve në lojëra olimpike i dërgoi një porosi të rëndë ish mësuesit të saj që e kishte demoralizuar atë në rrugën e sportit, publikisht e quajti mësuesin më të keq të të gjitha kohërave.
Kampionia kanadeze shkroi në llogarinë e saj në Twitter pasi fitoi dy medalje në Lojërat Olimpike në Tokio 2020 se një mësues i saj që i kishte thënë se nga noti s’ka gjë dhe bën mirë ta lë.
“Sapo kërkova në Google se kush është personi më i dekoruar kanadez në olimpiadë dhe doli emri im. Dua posaçërisht ta falënderoj atë mësuesin në shkollën e mesme që më thoshte të lë notin e të përqendrohen në shkollë se noti nuk do të dërgonte askund. Ëndrrat kështu plotësohen.”
Penny sigurt e kuptoi sa i rëndë ishte ky postim i saj dhe e bëri me dije se nuk ishte kundër mësuesve në përgjithësi pasi edhe e motra e saj ishte mësuese e vazhdoi më tej sqarimin me një postim tjetër, por u kuptua se nuk ja fal mësuesit të saj.
“Sa për të plotësuar nuk dua të shaj gjithë mësuesit në përgjithësi, motra ime është mësuese dhe e shoh si i inspiron fëmijët çdo ditë…shumica e mësuesve të mi e shihnin ëndrrën time dhe më përkrahnin. Ama ai që vazhdimisht më pengonte, më i keqi i gjitha kohërave” shkroi Penny.
Penny Oleksiak ka fituar 3 medalje në lojërat e Tokios këtë verë, njëra e artë. Katër medalje të tjera i kishte fituar në lojërat e Rio De Janeiro pesë vite më parë./Botapress/