Njohësi i çështjeve politike, Agon Maliqi, me anë të një statusi në rrjetin social Facebook ka ironizuar me banorët e fshatit Kijevë të Malishevës, ai u bëri thirrje atyre që të kenë kujdes, pasi që emri i fshatit të tyre ngjason me emrin e kryeqytetit ukrainas, Kiev, vend në të cilin po zhvillohen luftime të ashpra, që prej fillimit të agresionit rus me datë 24 shkurt, shkruan Gazeta Botapress.info
Maliqi shkroi se dje në kryeqytetin e Kroacisë, Zagreb, është rrëzuar një dronë, pasi që ky i fundit ishte programuar gabimisht në kordinata.
Ukrainasit raportohet se mund ta kenë përzier Yarunin me Jarunin e Kroacisë
“Një dron rus ose ukrainas qenka rrëzuar mbrëmë në Zagreb. Rasti shqetësues po hetohet. Një prej spekulimeve të hershme është se droni që ra në lagjen Jarun të Zagrebit mund të jetë programuar gabimisht duke e synuar një vend me emër të njëjtë (Yarun) në Ukrainë”, shkroi Maliqi.
Dje në Zagreb u raportua se u rrëzua një dron, i cili supozohet të ketë ardhur gabimisht nga Ukraina./Botapress.info/