Lufta në Iran, goditet me raketë baza italiane

Ministria e Mbrojtjes e Italisë ka bërë të ditur se një raketë ka goditur gjatë natës një bazë ushtarake italiane në Erbil, në rajonin kurd të Irakut, por nuk ka shkaktuar viktima.

“Një raketë goditi bazën tonë në Erbil. Nuk ka viktima apo të plagosur mes personelit italian. Të gjithë janë mirë,” shkroi ministria në platformën X.

Ministri i Mbrojtjes, Guido Crosetto, qëndroi në kontakt me komandantët e lartë ushtarakë pas incidentit, shtoi ministria.

Në një mesazh të veçantë, Ministri i Jashtëm, Antonio Tajani tha se trupat u strehuan në një bunker gjatë sulmit dhe konfirmoi se të gjithë janë “mirë dhe të sigurt”.

Italia aktualisht ka rreth 300 ushtarë të vendosur në Erbil, ku ata janë të angazhuar në trajnimin e forcave të sigurisë kurde