Kryetari i degës së LDK-së në Malishevë, Bajrush Hoti, ka marrë votat e Kryesisë së degës që të kandidoj për kryetar të Komunës.
Lajmin e ka bërë të Hoti përmes një njoftimi në Facebook. Me këtë rast, ai ka falënderuar Kryesinë e degës për besimin e dhënë, shkruan Botapress.info
Njoftimi i plotë:
Dega e LDK-së në Malishevë në mbledhjen e mbajtur sot më datë 28.06.2021 në rend dite kishte:
Kandidatin për kryetar Komune në zgjedhjet lokale të 17 Tetorit. Kryesia e degës votoi unanimshit për mua që të jem kandidat për kryetar komune.
Falënderoj kryesinë e degës së LDK-së në Malishevë për besimin e dhënë që unë të jem kandidat për kryetar të Komunës së Malishevës.
Besoj fuqishëm se bashkërisht me kryesinë e degës, kryetarët e nëndegëve, të dy forumet, anëtarësinë e LDK-së dhe të gjithë qytetarët e komunës së Malishevës do të organizohemi sa më mirë që të garojmë seriozisht për zgjedhjet lokale.
Me respekt,
Kryetari i degës së LDK-së në Malishevë
Bajrush Hoti.
