Kuvendi me emra të rinj: Këta janë deputetët që sigurojnë mandatin për herë të parë

Pas përfundimit të procesit të numërimit të votave për zgjedhjet e parakohshme parlamentare të 7 qershorit, janë konfirmuar edhe emrat e kandidatëve që do të ulen për herë të parë në ulëset e Kuvendit të Kosovës.

Sipas rezultateve të publikuara nga Komisioni Qendror i Zgjedhjeve, Lëvizja Vetëvendosje ka dalë forca e parë politike me 47.13 për qind të votave, duke siguruar 53 mandate në Kuvend. Nga kjo parti, për herë të parë mandat deputeti kanë fituar Osman Musliu, Arton Konushevci, Valon Peci dhe Armend Baloku.

Ndërkohë, Lidhja Demokratike e Kosovës ka siguruar 18 ulëse në legjislaturën e re. Në mesin e emrave që do të jenë pjesë e Kuvendit janë edhe Vjosa Osmani, e cila rikthehet në politikën aktive përmes LDK-së, si dhe Albena Reshitaj dhe Paris Guri, të cilët do të rikthehen sërish në përbërjen parlamentare.

Aleanca për Ardhmërinë e Kosovës ka fituar shtatë mandate. Shumica e deputetëve të saj tashmë kanë përvojë parlamentare, ndërsa Teuta Haxhiu rikthehet në Kuvend pas mungesës në dy legjislatura.

Rezultatet përfundimtare të zgjedhjeve kanë sjellë një përzierje të figurave të reja dhe emrave të njohur në legjislativ, duke shënuar një kapitull të ri në përbërjen e Kuvendit të Kosovës.