Kurti si “instruktor” i balotazhit: Votoni në mëngjes se pasdite ju vijnë mysafirë

Kreu i LVV-së, Albin Kurti, sot ka folur në një tubim me përkrahës në Gjilan, në prag të balotazhit të 9 nëntorit. Kurti ka kërkuar nga të pranishmit që të dalin dhe të votojnë në mëngjes herët, meqë sipas Kurtit në kulturën e shqiptarëve është që të shkojnë mysafir diku pasdite, shkruan Gazeta Express.

“Pasdite vjen naj mysfir, e merreni me mend nëse s’keni votuar paradite, duhet me nejt me mysafirin”, ka thënë Kurti, duke kërkuar që të votohet paradite.

Ai ka thënë që s’është turp që të pyetet mysafiri para se të hyjë brenda se a ka votuar.

Kreu i VV-së ka pasur sugjerime edhe për atë se si duhet të sillen kur të shkojnë në qendër të votimit.

“Kur të shkoni në vendvotim është më thjeshtë, kësaj radhe e keni një fletëvotim me dy emra. Emri i parë, 105, VV, është Alban Hyseni. Kur te shihni fletëvotimin, shkimin lartë, drejt tek rreshti i parë. S’keni pse shikoni teposhtë”, ka thënë Kurti