Kurti e pret në takim presidentin e Këshillit të BE-së

Presidenti i Këshillit Evropian, Antonio Costa, ka nisur takimin me kryeministrin në detyrë të Kosovës, Albin Kurti, pas takimit që pati më herët me ushtruesen e detyrës së presidentes, Albulena Haxhiu.

Pas takimit me Kurtin, Costa pritet të zhvillojë takime edhe me përfaqësues të partive politike në vend.

Costa po zhvillon një seri vizitash në vendet e Ballkanit Perëndimor, ndërsa të hënën ka deklaruar se zgjerimi i Bashkimit Evropian mbetet një mundësi reale për shtetet e rajonit.