Konsultimet e Osmanit me partitë, Haradinaj i jep mbështetje për Bordin e Paqes

Kryetari i Aleancës për Ardhmërinë e Kosovës (AAK), Ramush Haradinaj, është takuar me presidenten Vjosa Osmani në kuadër të konsultimeve me partitë politike.

Haradinaj tha se me të ka biseduar mbi Bordin e Paqes dhe zhvillimet politike në vend.

Ai tha se i ka shprehur vlerësim Osmanit për pjesëmarrjen e Kosovës në Bordin e Paqes, me ftesë të Presidentit Donald J. Trump

“Me ftesë të Presidentes së Republikës, Vjosa Osmani, zhvillova një diskutim mbi Bordin e Paqes dhe zhvillimet politike në vend dhe në rajon. Presidentes Osmani i shpreha vlerësimin për pjesëmarrjen e Kosovës në Bordin e Paqes, me ftesë të Presidentit Donald J. Trump. Çdo partneritet me Shtetet e Bashkuara të Amerikës, në çdo iniciativë ku jemi krah njëri-tjetrit, është i rëndësisë së veçantë për Kosovën.  Aleanca për Ardhmërinë e Kosovës e përkrah pa asnjë hezitim këtë angazhim”, ka shkruar Haradinajn.

Takimet e Osmanit me krerët e subjekteve politike janë për zhvillimet në vend, në procesin për konstituimin e institucioneve të reja. Ndërsa, pjesëmarrja në Bordin e Paqes kërkon ratifikim, gjë që nuk ka ndodhur akoma.