Avokati Arianit Koci ka thënë se kosovarëve nuk i duhet liberalizimi, me këtë trend të emigrimit të popullatës.
Në një postim të bërë në Facebook, Koci ka thënë se vendet që ai ka frekuentuar, dhe ka hasur po në njerëzit e njëjtë, tani nuk janë më pasi kanë nisur një jetë jashtë Kosovës.
Postimi i plotë:
Nuk do të na duhet liberalizimi i vizave, me këtë trend të emigrimit të popullatës.
Krijoj miqësi shumë lehtë, prandaj edhe po e vërej këtë fenomen.
Shumica prej djemve dhe vajzave që kanë punuar në kafene dhe parkingje ku une gravitoj, e kanë gjetë mënyrën me e fillu jetën e re, jashtë Kosovës.
I njoh me emra dhe mbiemra. Më ka ndodhë me pi kafe dhe me bisedu për hallët e tyre.
Sot në mëngjes, një burrë rreth të 40-ave – ka punuar në kafene afër zyrës, m’u lajmërua prej Suedisë.
Gjynah se shumë punëtor dhe person i mirë është.
Gruan dhe fëmijet i kishte marrë me vete.
Sipas tij, ka lindë për së dyti.