Jeton e vepron tash e sa vjet në Gjermani. Ka një profesion krejt tjetër. Por disa veti, zakone e profesione të fëmijërisë i ka ruajtur dhe i trashëgon edhe sot e kësaj ditë, shkruan Botapress.
Teuta Haxhiaj është rritur në një familje tradicionale shqiptare në katundin Lubovë të Istogut. Aty është edukuar nga prindërit e familjarët se “…si me u përgatitë për jetë çkado që jeta sjellë…”, “…m‘i mësu tana punët e shpisë e t‘fushës pa guxu me lanë anash, Zot runa, punën e shkollës. Ec e guxo!”
Me këto porosi prindore nga baba Brahim dhe me këtë edukatë nga vendlindja, Teuta Haxhiaj edhe sot, edhe në Gjermani edhe në vendlindje, “zbret në tokë”, merret me të gjitha punët e shtëpisë, me punët e fushës, nxjerr kompira të mbjellur nga baba Brahim dhe …i grah edhe kombanjës, në sezonë të fshirje-korrjeve kur kthehet në vendlindje për pushime.
Teuta Haxhiaj, dje ka fshi me kombanjë në arat e fshatit Lubovë të Istogut. Po thotë se është ma lehtë me i grah kombanjës se sa me i lodhë thasët e grurit. Por edhe këtë punën e dytë e ka bërë, me plot vullnet.
Nuk ofendohet kur dikush e quan “gërnaçe” ndërkaq me punën, sjelljet dhe modestinë e një vajze nga katundi i Podgurit, sikur jep të kuptojmë se më shumë se sa “gërnaçe” është një vajzë shqiptare nga ana e Podgurit që di t’i bëjë të gjitha punët e shtëpise e të arave.
Kokër-kokërr sigurohet buka e gojës!
Korrje shirjet vazhdojnë me të madhe në arat e Lubovës.
„Detyrë e jona osht me ju pergatitë juve për jetë çkado që jeta sjellë, e nese nuk keni me pasë nevojë me punu, atëherë edhe ma mirë por tana punët duhet m‘i mësu…“ na thojke baba Brahim i joni kur ishim ende femije gati.
E rritun n‘familjen e madhe t’Cakaj-ve t‘Lubovës është dashtë m‘i mësu tana punët e shpisë e t‘fushës pa guxu me lanë anash, Zot runa, punën e shkollës. Ec e guxo 😬
Me tre vllaznit e mi, bacin Sadik, Ismetin dhe Ganiun ❤️