Bilardo në sofër!
Aristokracia, e ke parasysh!
Albni Kurti dhe Arben Vitia e kanë zgjedhur bilardon si vendin kryesor dhe më domethënës për t’i treguar njëri-tjetrit se sa shumë ‘duhen’!
Logjikisht, ata e dinë sa shumë duhen, por ne kemi pasur nevojë për sqarime dhe dëshmi shtesë të këtij raporti të palëkundur.
Albin Kurti e do më shumë Arben Vitinë, shihet ashiqare, sepse gjithmonë e thërret me emër përkëdhelës – Beni.
E sa herë e thërret Arbenin- Beni, Arbeni zvogëlohet edhe më shumë, duket si ‘bubi’ i preferuar i Albinit, ndonëse është kriminel i talentuar, që e karakterizon një indiferencë dhe një pandjeshmëri aq e madhe, sa që secili kriminel do t’ia kishte lakmi.
Arben Vitisë i ka dalë dashnia prej hundëve (ia keni bë me gjak), prandaj përkohësisht e ka ngrirë këtë lëmi të jetës.
Bilardo është lojë e fatit.
Luhet nga dy kundërshtarë.
Në video – klip, Albin Kurti luan kundër Arben Vitisë dhe fiton!
Mesazhi i video – klipit është simbolik:
Albin Kurti e fiton lojën kundër vetvetes.
Se…sikur të kishte pasur vetëm pak shije për lojë, për politikë dhe për art, në lojën e aktruar simbolikisht do të duhej të fitonte Arben Vitia!
Është fat i madh për neve që jeta jonë dhe e ardhmja jonë shpjegohet përmes topave të bilardos.
Më seriozisht e marrim lojën, sesa jetën!
Ky është shembull që duhet ndjekur nga mbarë njerëzimi.
Sepse, siç e kam zbuluar unë, kujtim i bukur në jetë mbetet vetëm loja!
Pyete vetet: A mos e ke ti ndonjë kujtim
të bukur që nuk është vetëm lojë dhe humor!
Nuk e ke!
Nuk mund të jetë kujtimi edhe i bukur edhe serioz!
Populli i parehatuar (kush që e përmbushë nuk ka) prandaj kësaj radhe populli po luan me mend, derisa Albin Kurti po luan bilardo.
Derisa populli po e blen një litër vaj 2 Euro, Albin Kurti po blen banesë në Norvegji 400 mijë Euro. Pse jo!
Shqiptarët gjithmonë kanë thënë ‘Kush është i zoti
mos i shkoftë i zi moti’!
S’kanë thënë ‘Kush është i ndershëm…por kush është i zoti’.
Albin Kurti e ka kërkuar vetëm votën e aristokracisë për Arben Vitinë, se sikur të donte votën e shqiptarëve, do ta luante bilardon në sofër me
plis n”kapak t’kresë.
Anipse bilardo luan rol të madh në jetën e përditshme të shqiptarëve, sidomos në Prizren dhe më gjërë!
Duke u munduar të mos duket populist (siç është), edhe më keq, Albin Kurti bën si aristokrat, e pastaj degradon në palaço.
Bilardon e kemi, shyqyr Zotit, po ku t’i gjejmë aristokratët!
Sipas rregullave të aktrimit, të dytë (Edhe Albin Kurti, edhe Beni i tij) kanë shkëlqyer në video-klip, dhe veç skena te filmi ‘Pretty woman’,
kur Richard Gere në fund të filmit ia bën kabull të kaluarën Julia Roberts-it dhe i kthehet…e kur ajo vrapon drejt përqafimit të tij…
…i afrohet për saktësi skenike çiftit të aktorëve Bini-Beni.
Albin Kurti i thotë Benit: Qeveria dhe ministritë do të jenë tuajat.
Benit i vizllon fytyra, buzëqesh dhe pranon që krejt shteti të jetë në dispozicion të tij.
Gjatë deklamimit të vargjeve, dhe gjatë pranim – dorëzimit të dashnisë, të dytë i mbajnë shkopinjtë e bilardos në duart e tyre, për çdo rast, s’i dihet, nuk i besohet shqiptarit…
Shqiptari të do me stupc n’krah!
Nejse, ata të filmit, më të zhdërvjellët dhe më praktik, puthen në fund.
Për sqarim, Albin Kurti dukej si Julia Roberts-i në film!
Anipse, përjashta filmit, në realitet, Albin Kurti është Richard Gere, sepse Benit ia ka falur të gjitha kabahatet: ia ka falur vdekjet masive të shqiptatëve gjatë pandemisë.
Ku ka adhurim më të madh se ky.
As Bibla nuk njeh njeri që i janë falur krimet e gjakut, si Albin Kurti që e ka falur Benin…madje edhe Krishti i ka falur Maria Magdalenes vetëm ‘krimet’ e qejfit…!
Shqiptari gjakun ta fal, qejfin s’ta fal!
Video-klipi ka mundur të jetë edhe më i përkryer:
Për t’u përkryer skena filmike, në një qosh të bilardos, do të rrinte shumë bukur një litër vaj, si simbolikë e një aristokracie që e ka një popull që s’ngihet zejtin.
P.S. Në një lojë ku fitojnë të dy ‘kundërshtarët’ e të së njejtës kauzë, humb populli!
E, për inat simbolik të Albin Kurtit, më 14 Nëntor vdiq Justiniani i Madh !