Jeta Statovci i bashkohet Vjosa Osmanit

Jeta Statovci i është bashkuar nismës së Vjosa Osmanit, për zgjedhjet e 7 qershorit.

Lajmin e ka bërë të ditur vetë Osmani, duke shpërndarë një portret të përbashkët me Statovcin, shkruan IndeksOnline.

“Na kanë bashkuar ndër vite virtyti, vizioni, vullneti dhe e vërteta. Mbi të gjitha, na bashkojnë vlerat mbi të cilat e nisëm këtë rrugëtim. E kur ato devijojnë, ne ringrihemi në këmbë, për dashurinë ndaj vendit dhe për rrugëtimin e sigurt të Kosovës”, shkroi Osmani.

Ky është postimi i plotë i saj:

E nisëm bashkë rrugëtimin në kuvend. Dhe bashkë po vazhdojmë drejt kuvendit.

Jeta Statovci ishte vetëm 26 vjeçe kur mori mandatin e saj të parë, për t’u rikonfirmuar tri herë radhazi me besimin e qytetarëve, duke qenë vazhdimisht ndër deputetet më të votuara.

Na kanë bashkuar ndër vite virtyti, vizioni, vullneti dhe e vërteta. Mbi të gjitha, na bashkojnë vlerat mbi të cilat e nisëm këtë rrugëtim. E kur ato devijojnë, ne ringrihemi në këmbë, për dashurinë ndaj vendit dhe për rrugëtimin e sigurt të Kosovës.

Na priftë e mbara, gjithmonë përkrah!